તલાટીઓની ભરતી દ્વારા ચૂંટણી ફંડ માટે ૮૦ કરોડ ભેગા કરવાનો ભાજપના નેતાઓનો કારસો?

Gayatri Employ Solution

 ( Follow Us :- Face Book, Linked In, Twitter, Google +, Yahoo Group, Blog, Website, )

Gujarat Samachar News

તલાટીઓની ભરતી દ્વારા ચૂંટણી ફંડ માટે ૮૦ કરોડ ભેગા કરવાનો ભાજપના નેતાઓનો કારસો?

મોદીની દેશમાં ભ્રષ્ટાચાર સામે લડવાની ગુલબાંગો અને ગુજરાતમાં નાક નીચે ભ્રષ્ટાચાર

પકડાયેલો દલાલ ચંપાવત તો હીમશીલાનુ ટોપકુ, ચંપાવતની ધરપકડથી ભાજપના નેતાઓ શિયાવીયા

ગાંધીનગર, સોમવાર
ગઈકાલે તલાટી કમ મંત્રી માટે પરીક્ષા હતી. જેમાં પાસ કરાવી દેવા માટે ઉમેદવારો પાસેથી જંગી રકમ પડાવતો એક દલાલ દોઢ કરોડની રોકડ રકમ સાથે પકડાયો હતો. પરંતુ પકડાયેલો આ દલાલ તો હિમશિલાનું ટોપકું જ છે. હકિકતે તલાટીઓની ૧પ૦૦માંથી ૮૦૦ જગ્યા સેટિંગથી ભરીને ૮૦ કરોડ જેટલી રકમ ચૂંટણી ફંડ માટે ભેગી કરવાનો પ્લાન હોવાનું જાણવા મળ્યું છે. તલાટી કમ મંત્રીની ૧પ૦૦ જગ્યાઓ ભરવા માટે ગુજરાત સરકારના મહેસુલ વિભાગ દ્વારા ગઈકાલે પરીક્ષા લેવામાં આવી હતી. આ પરીક્ષામાં પાસ કરાવી દેવા અને તલાટી કમ મંત્રીની નોકરી અપાવી દેવા સુધીની બાયંધરી આપી ઉમેદવારો પાસેથી નાણા પડાવતો એક દલાલ ગઈકાલે ઝડપાયો હતો. આ દલાલ એક ઉમેદવાર પાસેથી દસ લાખ રૃપિયા જેવી જંગી રકમ લેતો હતો. પરંતુ આધારભૂત સૂત્રોના જણાવ્યા મુજબ પકડાયેલો દલાલ તો માત્ર મહોરું જ છે.
પકડાયેલા દલાલ પાછળ વ્યવસ્થિત દોરીસંચાર હતો ૧પ૦૦માંથી ૮૦૦ તલાટી સેટિંગથી પાસ કરાવવાના હતા
હકિકતે એવું ષડયંત્ર રચવામાં આવ્યું હતું કે તલાટી કમ મંત્રીની કુલ ૧પ૦૦ જગ્યામાંથી ૮૦૦ જેટલી જગ્યા માટે ઉમેદવાર દિઠ ૧૦ લાખ રૃપિયા લઈને સેટિંગથી ભરવાની હતી. જો આવી રીતે પ્રતિ ઉમેદવાર ૧૦ લાખની રકમ લેવામાં આવે તો ૮૦ કરોડ રૃપિયા જેવી જંગી રકમ મેળવી શકાય. અને ચૂંટણી ફંડ માટે તગડી રકમ મળી શકે.
આ ઈરાદા સાથે શરૃઆતથી જ તે મુજબની ગોઠવણ કરવામાં આવી હતી. પરંતુ એક દલાલ ઝડપાઈ ગયો. હજુ આના જેવા અનેક એજન્ટો છે. જે આ ચૂંટણી ફંડ મેળવવાના પ્લાનમાં સામેલ છે.
સરકારે આ પૂર્વે ત્રણેક વર્ષ પહેલા મહેસુલ વિભાગ હસ્તકના તલાટી કમ મંત્રીની ભરતી કરી હતી. અને પંચાયત વિભાગે પંચાયત સહાયક તરીકેની પોસ્ટ પર ભરતી કરી હતી. પરંતુ આ બન્ને ભરતી વખતે ઉમેદવારોની લેખિત પરીક્ષા જ લેવામાં આવી હતી. જ્યારે આ વખતે પ્રથમ વખત ઓએમઆર સિસ્ટમથી પરીક્ષા લેવાનું નક્કી કરાયું હતું.આઠ લાખ જેટલા અરજદારો હોય ત્યારે કોઈ સુવ્યવસ્થિત પરીક્ષા વ્યવસ્થા ગોઠવવાના બદલે અચાનક ઓએમઆર સિસ્ટમ અમલી કરીને પરીક્ષા લેવામાં આવી તે બાબત પણ અમુક અંશે શંકા ઉપજાવે છે.
જો પોલીસ કોઈની શેહશરમ રાખ્યાં વગર તટસ્થ રીતે તપાસ કરે તો અનેક મોટા માથાના નામ સામે આવી શકે છે. જો પોલીસ સમગ્ર કૌભાંડના મૂળ સુધી પહોંચે તો બની શકે કે વાડ જ ચીભડા ગળતી હોય તેવો કિસ્સો સામે આવવાની પુરી શક્યતા છે.
કારણ કે કોઈ દલાલ આટલી મોટી સંખ્યામાં ઉમેદવારો પાસેથી પ્રતિ ઉમેદવાર ૧૦ લાખ રૃપિયા જેવી જંગી રકમ લેતો હોય તો તે પુરો સભાન હોય છે કે જો દસ લાખ આપનારને નોકરી નહીં મળે તો તમામ ઉમેદવારો ભેગા મળીને તેની શું હાલત કરી શકે છે. પરંતુ તે કોઈ શક્તિશાળી બેકિંગના આધારે જ આ વહીવટ કરી રહ્યો હોવાની પુરી શક્યતા છે.હવે પોલીસ આમાં તટસ્થ અને ન્યાયી રીતે તપાસ કરે છે કે ભીનું સંકેલી લેવાય છે તે જોવાનું રહ્યું.

Source :-http://gujaratsamachar.com

Products :-  Std 1 to Std 10 All Subject Total Syllabus DVD(English Medium, Gujarati Medium) -, Std 11,12 Science, Commerce All Subject Total Syllabus DVD(English Medium, Gujarati Medium), Photoshop, C, C++, Java  Learn in Gujarati CD, Other Software DVD,  etc…
More Products List Click Here

Note :- Purchase any products just email inquiry.gsg13@gmail.com

Published By :-

Gayatri Solution Group

{ Jayesh Patel } (Live In :- Gujarat)
Website :- http://www.gayatrisolutiongroup.com/

Website :- https://sites.google.com/site/gayatrisolutiongroup/

Blog :- http://gayatrisolutiongroup.blogspot.in/

Email :- inquiry.gsg13@gmail.com